Cuir aithne ar na Daoine Taobh Thiar d’Fhorbairtí Curaclaim na hÉireann

Louisa Moss - Ceann Acmhainní Daonna

Louisa Moss an t-ainm atá orm agus is mise Ceann Acmhainní Daonna (HR) CNCM. Chuaigh mé isteach san eagraíocht i mí na Bealtaine 2025, agus thug mé taithí leathan i gceannaireacht Acmhainní Daonna agus i ndaoine agus rannpháirtíocht liom. Roimhe seo, bhí mé freagrach as cultúr ionchuimsitheach, folláine agus cumarsáid éifeachtach ar fud eagraíochtaí a chothú. Tá taithí agam sna hearnálacha príobháideacha agus poiblí – róil sna hAcmhainní Daonna, i mBainistíocht Gnó, agus i dteagasc agus taighde na Sean-Ghaeilge san áireamh – agus béim láidir á cur agam ar chultúir eagraíochtúla dhearfacha a fhorbairt i gcónaí.

Tá dúil mhór agam i rannpháirtíocht fostaithe agus i bhforbairt eagraíochtúil. Tá spéiseanna ar leith agam i bhfolláine, i ngníomhú ar son na haeráide agus i gcleachtais inbhuanaithe freisin – bainistíocht acmhainní daonna ghlas (fócas mo thaighde tráchtais reatha) agus itheachán plandabhunaithe san áireamh.

Lasmuigh den obair, is comhairleoir acmhainní daonna mé a bhíonn ag obair le carthanachtaí agus eagraíochtaí pobail ar bhonn deonach. Léirím clár raidió seachtainiúil freisin, agus bainim taitneamh as ceol a choimeád, as a bheith ag snámh agus as an litríocht agus an Ghaeilge a fhiosrú. 
Tá mo chur chuige, idir ghairmiúil agus phearsanta, fréamhaithe sa cheangal idir daoine, i gcumarsáid oscailte, agus i gcruthú spáis inar féidir le daoine aonair, eagraíochtaí agus pobail a bheith faoi bhláth.

------------------------------------------------------------------------------------------------------------------------------------------

Elisabeth Butler - Oifigeach Oideachais

Is mise Elisabeth Butler, agus is Oifigeach Oideachais do Nuatheangacha Iasachta ag leibhéal na hiar-bhunscoile mé. Is as an Ostair ó dhúchas mé, ach tá cónaí orm in Éirinn leis an gcuid is mo de mo shaol aosach anuas. Is í an Ghearmáinis mo theanga dhúchais, agus thosaigh mé ar an mBéarla a fhoghlaim agus mé deich mbliana d’aois. Thit mé i ngrá le hÉirinn agus mé ar mhalartú scoile, agus bhog mé anseo nuair a bhí mé i m’aosach óg. Tar éis dom staidéar a dhéanamh ar an bhFraincis agus ar an Spáinnis in Ollscoil Mhá Nuad, d’oibrigh mé mar mhúinteoir teanga ar feadh cúig bliana déag. Chomh maith leis sin, d’oibrigh mé leis na seirbhísí tacaíochta múinteora agus mar léachtóir modhanna i m’alma mater, Ollscoil Mhá Nuad, sula ndeachaigh mé isteach in CNCM in 2023. Is breá liom na sceitimíní a thagann le teanga nua a fhoghlaim fós. Mar sin, táim ag foghlaim beagán Araibise, Iodáilise agus Gaeilge le gairid.

I gcaitheamh mo chuid oibre, bhí mé i gceannas ar an athbhreithniú luath ar chur i bhfeidhm shonraíocht Nuatheangacha Iasachta na Sraithe Sóisearaí, agus bhí mé i gceannas ar na hathbhreithnithe uirthi sin freisin. Chomh maith leis sin, bhí mé i gceannas ar an athbhreithniú ar na téacsanna ainmnithe le haghaidh Iodáilis agus Spáinnis na hArdteistiméireachta, chomh maith le hathfhorbairt Araibis na hArdteistiméireachta. I láthair na huaire, táim i gceannas ar an athfhorbairt ar shonraíochtaí Theangacha Iasachta Nua-aimseartha na hArdteistiméireachta. Is togra iontach é sin, toisc gurb é an chéad uair go bhfuil athfhorbairt á déanamh ar na Nuatheangacha Iasachta uile sa churaclam ag an am céanna.   

Is éard is ansa liom faoi mo phost ná an deis a fháil a bheith ag obair le neart daoine difriúla atá tiomanta faoi fhoghlaim na dteangacha agus faoi bheith in ann difríocht dhearfach a dhéanamh don chaoi a bhfoghlaimíonn páistí agus daoine óga nuatheanga iasachta in Éirinn. Bainim an-taitneamh as éagsúlacht mo chuid oibre, ach is é an chuid is ansa liom ná a bheith ag taisteal chuig scoileanna le bualadh le scoláirí agus múinteoirí chun a n-aiseolas a fháil maidir le forbairtí curaclaim. Bainim an-taitneamh as na comhráite sin agus as fáil amach céard atá ag feidhmiú go maith ann agus céard is féidir linn a dhéanamh chun eispéiris foghlama teanga na scoláirí a fheabhsú. Tá súil agam gur féidir liom leas a bhaint as an tionchar atá agam chun foghlaim teanga a dhéanamh chomh tarraingteach agus ábhartha agus is féidir do dhaoine óga ar fud na hÉireann. 

I m’am saor, is breá liom dul ag siúlóireacht in Éirinn agus sa Fhrainc nuair a bhíonn an deis agam le linn deirí seachtaine fada nó laethanta saoire. Is díograiseoir ‘déan féin é’ (DIY) mé, ón uaschúrsáil go ballaí a leagan nó a thógáil! Chomh maith leis sin, is Soprán Ard mé i mo chór pobail áitiúil.